misdì
mis|dì
[FO]
-
s.m.
la ore centrâl dal dì:
vuê a misdì e je capitade a cjatâmi mê fie, cu la frutine (Josef Marchet, Lis predicjis dal muini);
ogni dì e je la stesse solfe: jevâsi a sîs siet oris di matine, a vore, cjase juste un scjampon sul misdì a mangjâ di corse (AAVV, Sul florî);
cuant che la int e bandonave la place par lâ cjase, subit misdì, ancje lui al scomençave a cjariâ sul cjar la marcjanzie (Angelo Covazzi, Il dint);
su la ore di misdì, par rinfrescjâlis, al jevave sù dal mâr un aiarin zentîl (Catarine Percude, Lis striis di Gjermanie);
co o lassi il municipi, al sune misdì. Il soreli al è alt tal cîl e al à sfantadis dutis lis fumatis (Alan Brusini, Gian Paolo Linda, I forescj)
Var. miesdì
-
ancje in espressions temporâls che a cjapin di riferiment la ore centrâl de zornade par dî che alc al sucêt prime o dopo:
il dì de Madone di Avost, come simpri, la glesie e jere plene; denant misdì a messe e dopo di misdì a jespui (Roberto Ongaro, Cretevierte)
Cfr. matine
, buinore
, dopomisdì
, dopodimisdì
, sere1
-
s.m.
meridion, direzion che tal emisferi boreâl e corispuint cul pont là che al è il soreli cuant che al è plui alt vie pe zornade:
il batifier al jere pôc lontan, propit su la Roie, che la aghe corinte i lenzeve il mûr di misdì (Maria Forte, Cjase di Dalban);
a pene fûr dal Stret si ponte a misdì in direzion des isulis Canariis là che si fasarà une soste a Las Palmas (Vico Bressan, Cîl e aghe)
Sin. meridion
, Sud
Polirematichis e espressions idiomatichis
Proverbis:
- il timp che si fâs di gnot nol dure trop, chel che si fâs a misdì al dure dut il dì
- il timp fat di misdì al dure dut il dì; il timp fat di gnot al dure tant che un cjaval di trot
- misdì di vile o che al passe o che nol rive
- ploie di misdì, ploie dut il dì
- se il gjal al cjante daspò di misdì, il bontimp al è par finî