buinore
/-ò-/
bui|no|re
[FO]
-
s.f.
part de zornade che e va di cuant che al jeve il soreli fintremai misdì:
o jevavi aes cinc di buinore par cjapâ il tram a Sant Denêl (Oscar Puntel, Mario Collavino: une bandiere furlane parsore il gnûf World Trade Center di New York);
ancje chê dì al veve plovût a selis dute la buinore, e nome viers misdì si jere salustrât a tramontane (Alan Brusini, Par stradis lungjis);
e je une buinore frede chê dal 9 di Fevrâr dal 1916, tal prin Invier di vuere (Donato Toffoli, Il lunari mai jessût - Tellini te prime vuere mondiâl);
in chê lûs celeste des buinoris dal Invier mi cjalave cun muse di ridi (Michele Calligaris, Te vuate)
Sin. denant misdì
, domans
, matinade
, prin di misdì
, matine
Var. bunore
, binore
Polirematichis e espressions idiomatichis
Proverbis:
- a buinore in pescjarie e tart in becjarie
- bisugne scomençâ a puartâ il jôf a buinore
- la ploie di buinore a dure une ore
- la veretât o tart o a buinore e ven in lûs
- o tart o a buinore l'ostîr al va in malore
- vegnie tarde la Pasche o a buinore, di là a durmî daspò gustât e je simpri ore