matine
/-ì-/
ma|ti|ne
[FO]
-
s.f.
part de zornade che e va di cuant che al jeve il soreli fintremai misdì:
vuê di matine, a siet, o ai sintût, di gnûf, cjantâ pe vile (Laurin Zuan Nardin, Cjantâ pe vile);
[lis striis] a capitavin ogni joibe la matine a buinore prime che a sunassin dì lis cjampanis di Sant Nicolò di Paluce (Catarine Percude, Lis striis di Gjermanie);
cognossêso lis matinis des domeniis tes citâts svuizaris cun chel aiar cussì vîf e lustri? (Agnul di Spere, La scjate rosse);
soi passât cheste matine / e il barcon l'ere sierât. / Jo i ai dit: "Mandi ninine" / e il barcon si è spalancât! (Popolâr, Soi passât cheste matine)
Sin. buinore
, denant misdì
, domans
, matinade
, prin di misdì
Polirematichis e espressions idiomatichis
Proverbis:
- cuant che il gjal al cjante la matine, la ploie e je vicine; cuant che al cjante la sere, bontimp si spere
- cuant che la matine a son trê sorei, ploie sigure
- gradesane la matine, burascje vicine
- la ire de sere lassile pe matine
- lis oris de matine a son la mari dai mistîrs, lis oris da la sere a son la mari dai pinsîrs
- nûl ros la matine, la ploie e je vicine; nûl ros la sere, bon timp si spere
- passade la cincuantine a 'nd è une ogni matine
- ros la sere, bon timp si spere; ros la matine, la ploie e je vicine
- se si vûl savê la zornade, si cjale la matine