Sud
Sud
[FO]
-
s.m.sing.
pont cardinâl, che tal emisferi boreâl al corispuint ae direzion dal soreli a misdì:
i aiars di Sud Sudovest a puartin dal Mediterani incà aiar cjalt e umit (Stefano Micheletti, Marcellino Salvador, Notis di meteorologjie pal Friûl - Vignesie Julie);
[la Strade basse] e va jù drete bande Sud fin a rivâ te Tor (Gianluca Comar, Discolçs, des Roiis a la Tor)
Sin. meridion
, misdì
-
s.m.sing.
part meridionâl di une cierte estension de Tiere o ancje di dut il mont:
di cualchidun no si à savût nie: vadì ancje muarts tes «fazendas» dal Sud o tune citât lontane dal West sul «Oregon trail»… (Dino Virgili, La aghe da pît la cleve);
mudâ lis economiis dai Paîs dal Sud di economiis di dipendence, orientadis par passe 5 secui di colonialisim viers la esportazion, in economiis autonomis (Buteghe dal Mont, Luche Nazzi, Guide par un consum just e solidâl)
Sin. meridion
, misdì
-
adi.inv.
che al è de bande meridionâl di alc:
la aule Sud, clamade ancje aule teodoriane, e jere in corispondence de seconde e de tierce nâf de basiliche di cumò (Giovanni Battauz, Flavio Cossar, Renato Iacumin, I mosaics de basiliche di Aquilee);
relazions smenteadis a contavin di spedizions partidis de Puarte Basse, par slungjâsi su lis ruinis roseadis di chê che une volte a ere la periferie Sud de citât (Stiefin Morat, Kebar krossè)