medaie
/-à-/
me|da|ie
[AF]
-
s.f.
discut metalic batût di pueste par memoreâ une persone o un acjadiment particolâr o un lûc particolâr, ancje sacri, o tant che premi a militârs o a civîi par ats di valôr, a sportîfs par vitoriis o buinis prestazions e v.i.:
si notin in dutis lis fraternis, a spindin bêçs a comprâsi medaiis, paziencis e coronis di rosari (Josef Marchet, Lis predicjis dal muini);
Matie si cjapà altris medaiis, si vuadagnà i galons, al deventà «Aiutante di Battaglia per meriti speciali di guerra e atti di valore». A vuere finide, a jerin aromai siet agn che al jere soldât (Pieri Menis, Sul agâr);
la cjamare di cumiarç i veve ufiarte une medaie di aur (Gianni Gregoricchio, Barbe Masaniello)
Var. madaie
Cfr. monede
-
persone, comunitât, struture e v.i. che e à vût chê onoreficience:
Lesa, fradi di une medaie di aur, al jere finît là jù insom cui fusilîrs che a jerin lâts tant sot des posizions dai sclâfs che plui no si viodevin (Alan Brusini, I ribei)
-
s.f.
(fig.)
situazion cun doi aspiets diferents, oponûts o complementârs:
ogni medaie, par altri, e à un so ledrôs e ancje la vite di Nart e veve un puntin neri che al maglave il lat de sô esistence (Roberto Ongaro, Cretevierte)
-
s.f.
(fig., fam.)
magle gruesse, soredut di ont
Sin. bol1
, bolet
, patache
, patacon
, pataracje
, tacule
, tacje
-
s.f.
(fig., fam.)
persone che si lagne simpri o che in ogni câs e stufe:
jo me mochi! No ai voie di stâ a fâ compliments cun chê medaie di siore Santine (Vittorio Vittorello, A ogni cost)
Sin. lagne
, plaie
, pitime