sigjîl
si|gjîl
[CO]
-
s.m.
segn di materiâl plastic stampât e indurît che al certifiche la identitât di cui che al à metût chel segn e la autenticitât o integritât di ce che al è segnât:
e metin dutis lis letaris tun sac cuntun sigjîl sôl di cerelache sul spali che al lee il sac (Pieri Somede dai Marcs, A la oselade);
une bustone rosse cui sigjîi di cerelache (Pieri Menis, Chei di Muraie)
Cfr. bol1
-
imprest di materiâl dûr che al covente par fâ chel segn, dispès in forme di anel di podê meti tun dêt:
in Consei di vuera al devi vê ogni Assessôr un sigjîl (Antoni Brumat, Compendi di ducj i contegnos pal soldât comun tant in guarnigjon, come in cjamp devant il nemì, cul zurament e i articui di vuera)
-
s.m.
segn o sisteme doprât di une autoritât par declarâ e garantî che alc al sedi sierât, no cambiât, no tocjât e v.i.:
su la puarte dute une schirie di sigjîi dal prefet a inibivin l’acès (Sandri Di Suald, La gjandusse)
-
s.m.
(fig.)
magle gruesse, soredut di ont:
propri tal mieç de ristocratiche golarinone a riis zalis, verdis, celestinis e blancjis, un sigjîl grues come une nole al dominave tant che une spile di perlis (Arturo Feruglio, Viaç a Vignesie)
Sin. bol1
, bolet
, patache
, patacon
, pataracje
, tacule
, tacje
, medaie
-
s.m.
(fig.)
fat o element, ancje imateriâl, che al segne la sieradure, la fin, la conclusion, il completament di alc:
il segretari al scrîf il verbâl, po al lei, ducj a firmin - l'ultin jo - e chest al è stât il sigjîl de mê podestarie (Pieri Somede dai Marcs, La ultime firme de mê podestarie)
-
element che al segne la nature, la esistence, il mût di jessi o il mût di jessi considerât di cdn. o di alc:
a disin che la partignince a un popul e je une sorte di sigjîl o di marcje che ti segne par simpri (Antoni Beline, Emigrants pe fede)