Dizionari de Lenghe Furlane

masse²  ma|sse  [CO]

1. s.f. cuantitât di materie:  il concet di masse inte mentalitât corint al mostre un volum che si pues viodi a nivel di voli e che invezit i gas, ven a stâi i cuarps cun nature aerie, no dan (Lorenzo Marcolini, L'articul di Einstein dal 1905 sul efiet fotoeletric. Un lavôr plurilengâl voltât in lenghe furlane)
   
   1. toc di materiâl massiç:  une masse fisse di arzile
      Sin. bloc , grop , toc¹ , pieç
   2. figure, sacume grande:  la masse maestose di Raut e je za sblancjade de prime nêf (Luciano Gaudenzio, Michele Zanetti, Dolomitis Furlanis. Lis vôs dal Cidin); adalt sul mûr, verde e fumatose, la masse dal dragon no somee tant disponibile a rindisi al sant (Franco Marchetta, Madalene)
2. s.f. ancje tal pl., grant numar di personis, maiorance de societât o di une comunitât:  cheste unificazion [de Italie] e je stade cumbinade par opare di une minorance di cuatri scjaldinôs pôc o trop interessâts, fûr de volontât o cuintri la volontât de masse popolâr (Josef Marchet, A scuele di autonomie)
3. s.f. [TS] stat. l'insiemi dai elements che a fasin un fenomen coletîf
4. s.f. [TS] fis. grandece fisiche dai cuarps che e je il coeficient di proporzion tra lis acelerazions e lis fuarcis che lis determinin, simb. m
5. s.f. [TS] eletr. intun circuit stampât, condutôr comun, par plui plui grant di chei altris par ridusi la resistence di corint
   
   1. tes machinis eletrichis, struture metaliche, par plui metude a tiere