malizie
/-lì-/
ma|li|zi|e
[AF]
-
s.f.
tindince, inclinazion o intenzion di fâ dal mâl, di fâ pecjât o di ingjanâ in maniere cussiente e complasude:
plui di cualchidun, a voltis cun ignorance altris cun malizie, al à fat ecuazions une vore arbitrariis che a àn puartât a atacâ la leterature furlane tout court par obietîfs politics (Maurizio Biasizzo, 50 sfumaduris di… "zâl e blu")
Sin. tristerie
-
s.f.
cussience o curiositât inteligjente e furbe di ce al è mâl o di ce che al è pecjât, dispès cun conotazion erotiche:
si dirà che cualchi volte la malizie e supere la etât, e podarà jessi; ma ce malizie mai sot i dîs agn? (Giovanni Gortani, Trê Rafaei in jerbe);
e deventave rosse, un fregul, se un le fissave un lamp di plui: e spesseave a disbassâ i voi cuntune sudizion di frute, cence malizie (Dino Virgili, La aghe da pît la cleve)
-
s.f.
azion triste fate di pueste, soredut di pocje impuartance:
al jere come un frut: scjaldinôs, furiôs magari; ma sclet e bon, tant bon… Mai une peraule in stuart di chê bocje, mai une malizie, mai une lagnance… (Ercole Carletti, Mariute)
Sin. dispiet
, tristerie
-
pensade, maniere di fâ o azion furbe par vê un vantaç, ancje imbroiant chei altris o ancje cuintri di ce che al è ben e di ce che al è just:
[i partîts di guvier] a comencin a cjapâle une vore a larc, a doprin ogni plui fine malizie ma si capìs ben che l'obietîf al è chel [di butâ jù il guvier] (Riedo Pup, Sot vie o injenfri)
Sin. furbetât
, furbade
, truc1
, tristerie
Proverbis:
- fate la leç, pensade la malizie
- i misteris di Diu, i segrets dai sovrans e la malizie dai vilans nissun nol è rivât ancjemò a rivelâ
- la malizie e cres cu la etât
- lagrime di femine, fontane di malizie