litanie
/-nì-/
li|ta|ni|e
[CO, TS]
-
s.f.
lit.
preiere di supliche, recitade o cjantade in gjenar a dôs vôs, une dal oficiant e chê altre dai fedêi che le ripetin in dut o in part:
a tacarin lis litaniis, come di piligrins a perdon. "A peste, fame et bello! Liberaitnus Domine!" (Dino Virgili, La aghe da pît la cleve);
il plevan al brinche un Crist e jù. E fûr cul Crist par aiar, disint lis litaniis dai Sants (Alviero Negro, La tampiestade di Rivignan)
Var. latanie
, letanie
-
s.f.
(fig.)
discors, enunziazion, liste luncs e che a stufin:
a contâju ducj cuancj, vi faressin una litania di 67 noms (Federigo Comelli, Il me paîs)
-
schirie lungje di elements di cualsisei sorte:
Pagnà, Laipà e Tavagnà e vegnin indenant come la avanguardie di dute une litanie di paîs, semenâts tant di ca come di là di cheste strade (Giovanni Gortani, Lant jù pe Tresemane)
Sin. schirie
, rie
, filze
, file
, sfilze
, teorie