Dizionari de Lenghe Furlane

libri  li|bri  [FO]

1. s.m. volum di sfueis stampâts, numerâts e leâts:  l'ambient al servive ancje di scritori e biblioteche, libris e libris si tignivin sù un cul altri sfracaiâts tes scansiis (Carlo Tolazzi, La salamandrie tal fûc); Pieri al passave lis seris a studiâ (a mangjâ libris - al diseve so fradi Tite) (Maria Forte, Cjase di Dalban); ogni volte che la buere politiche e mude direzion, a scuegnin mudâle ancje i libris di storie (Josef Marchet, Cuintristorie dal Friûl fin sot la Italie)
   
   1. test scrit in chel volum:  mi plâs lâ in biblioteche a cirî cualchi biel libri di lei (AAVV, Sul florî); [Sergio Salvi] mi veve domandade la colaborazion par scrivi un libri su lis nazions improibidis de Europe pe part che e rivuardave il Friûl (Adrian Cescje, Memoriis di politiche linguistiche)
      Sin. opare , vore , volum , titul
2. s.m. ognidune des parts che e je scompartide une opare leterarie, filosofiche o sientifiche:  [Fabio Paolini] al scrivè il coment al prin libri dal De oratore di Ciceron (Mario Turello, Il brevet)
   
   1. [TS] religj. ognidune des parts che e compon la Scriture Sacre:  o vês sintût il Vanzeli. Al ricuarde il prin libri de Biblie, la Gjenesi, dulà che al dîs che i doi a saran une sole cjar (Francesc Placerean, Tal matrimoni l'amôr al devente virtût e sacrament dal amôr di Diu par nô)
3. s.m. [TS] reson. ognidun dai regjistris, scrituris contabilis o altri là che si ten cont des operazions finanziariis di une aziende economiche
4. s.m. [TS] bot. tiessût di une plante là che e passe la linfe elaborade
   Sin. floeme , tiessût floematic

Polirematichis e espressions idiomatichis

• libri comant loc.s.m.
• libri da scrivi loc.s.m.
• libri dal comant loc.s.m.
• libri di scrivi loc.s.m.
• savê une cjarte plui dal libri loc.v.

Proverbis:

• impreste un libri, tu pierdis un amì
• lei libris vieris, bevi vin neri, lâ cun feminis che no son zovinis
• libri sierât al fâs l'om leterât
• vuarditi di chel che al lei suntun sôl libri