libertât
li|ber|tât
[FO]
-
s.f.
cundizion di cui che al è libar, che al agjìs daûr des sôs sieltis autonomis, cence condizionaments di altris personis e cence stâ sot di imposizions:
int che e resone ancjemò cul so cjâf, che e judiche cun libertât secont une antighe, sperimentade sapience (Riedo Pup, La civiltât dal fum);
se di une bande che sô atenzion mi lusingave, di chê altre mi sustave, che mi sintivi spiade, impedide inte mê libertât (Gianni Gregoricchio, Trê feminis)
Sin. autonomie
, facoltât
, indipendence
-
stât di cui che nol è in preson, in sclavitût o di une bestie che no je in cativitât:
disesiet agns soi stât in galere… il silenzi, il lavôr sfuarçât, la gjachete a riis, i compagns… la libertât… pierdude la libertât, e ca ta la anime un dolôr infinît (Pieri Somede dai Marcs, Resurezion a Pontinie);
dopo 33 zornadis di siopar de fam a Vanni Mulinaris i ven concedude la libertât provisorie (Max Mauro, Un Friûl difarent: i 90 mhz di Onde Furlane)
-
il no jessi impegnât in matrimoni o intune relazion sentimentâl:
siôr Gjovanin restât vedran par no dividi il capitâl e pe passion ae libertât, si jere ritirât te sô alte cjase di Adorgnan (Alan Brusini, Come tai romançs)
-
pocje atenzion aes regulis, spec. a chês di formalitât, creance, rispiet e v.i.:
se cualchi volte us ai tocjâts voaltris cun masse libertât e confidence, us prei di perdonâmi (Josef Marchet, Lis predicjis dal muini)
Sin. licence
-
s.f.
il no jessi in servizi o a vore, par un moment di polse o ancje in maniere definitive:
o passi in riviste lis robis di fâ, cemût organizâmi tal lavôr e tes oris di libertât (Alan Brusini, Gian Paolo Linda, I forescj);
[tal 1848] il gjenerâl Auer […] al lassà in libertât chei soldâts che no volevin restâ sot la Austrie e al si tirà cun chei altris a Gurize (Josef Marchet, Cuintristorie dal Friûl fin sot la Italie)
-
s.f.
cundizion di une comunitât che e gjolt ad in plen dai siei dirits, par vie che no je sot di un regjim autoritari o repressîf o sot di une potence foreste:
metisi a pâr cu lis nazions modernis intun ordenament di libertât e di responsabilitât (Josef Marchet, La gnespule malmadure);
par un sôl ideâl: chel dal popul e in non de libertât (Tarcisio Venuti, La cjase di Toni);
o vin pôre di jessi une altre volte bessôi, o cuasi, a tignî dûr il claut de libertât furlane (Josef Marchet, Legnadis e pidadis)
Polirematichis e espressions idiomatichis
Proverbis:
- il presit de libertât e je la vite
- il vuarp al brame la lûs, l'uciel la libertât
- par vivi in libertât o in vile o in citât