licence
/-èn-/
li|cen|ce
[AF]
-
s.f.
il permeti a cdn. di fâ alc o il vê il permès di fâ alc:
al veve jevade la man adalt come a domandâ licence di fevelâ (Gianni Gregoricchio, Îr e doman)
Sin. benstâi
, consens
, permès
, permission
, autorizazion
, benstâ
Var. licenzie
Cfr. libertât
, facoltât
-
autorizazion cun valôr uficiâl o legâl che e permet di fâ une azion o une ativitât:
mi viôt a capitâ dongje il talian des tassis e doi finançots cu la sclope su la spale. Mi domandin cui che al fâs fâ chescj lavôrs te glesie, dulà che o ai cjolt il matereâl, dulà che o ai la licence di costruî (Josef Marchet, Lis predicjis dal muini);
simpri plui dispès i vignive voie di lâ a cjace. In cuesture a Udin no i faserin dificoltâts par dâi la licence, e cussì al podè lâ a cjoli il so vecjo dopli (Carlo Sgorlon, Prime di sere)
-
s.f.
autorizazion di slontanament dal servizi, slontanament autorizât, e timp che al dure chel slontanament concedût a un militâr:
"Jo doman i scrîf al colonel di Renato par preâlu di acordâigji une licence: al jere amì dal mio puar marît e no mi dirà di no" (Vittorio Vittorello, A ogni cost);
ta chel Avrîl rabin dal '18, siôr di slavins e di soreli, gno pari al rivave in licence dal front (Alan Brusini, Come tai romançs)
-
autorizazion dât a un lavoradôr o un funzionari, ancje no militâr, di no fâ la sô funzion par un ciert timp:
il dotôr Carli al veve stabilît di partî par un mesut di licence e intant al varès domandât un altri puest (Pieri Somede dai Marcs, Ta la ombre dal santuari)
-
s.f.
scol.
titul di studi otignût frecuentant un cors e passant un esam:
a metin sù la Scuele sociâl dulà che zovins a pene laureâts, in autogjestion, a judin lavoradôrs a cjapâ la licence medie (Igor Londero, Cuintristorie dal taramot)
-
s.f.
mancjât rispiet o slontanament di un scheme o di une regule:
[te traduzion dal esametri] a pet dal grêc si à cjapât dôs licencis par vie des carateristichis linguistichis dal furlan (Sandri Carrozzo, Pierluigi Visintin, Jentrade de Odissee)