indipendence
/-dèn-/
in|di|pen|den|ce
[AF]
-
s.f.
cundizion personâl, economiche, spirituâl li che si è dal dut libars di decidi e di agjî, cence vê di ubidî a altris:
al veve finalmentri capît che i bêçs a son indipendence e nome cun lôr te sachete un om al po ce che al vûl (Alan Brusini, Alpin jo mame!)
Sin. autonomie
, libertât
Var. indipendenzie
-
s.f.
il no dipendi o il no derivâ di altris, il costituî une realtât par so cont rispiet a altris:
prime di dut si presente la discussion su la indipendence glotologjiche dal furlan a rivuart dal sisteme dialetâl talian (Josef Marchet, Autonomie e lengaç);
une diference di cheste fate [tra benandants e terapeutis] e je dure di motivâle se no cuntune diversitât e indipendence di origjin e di tradizion (Sandri Carrozzo, Benandants e Terapeutis / Terapeutidis)
-
s.f.
cundizion di un paîs che al à un stât sovran, che nol è sot di un stât plui grant o sot di un domini forest:
la idee da la indipendence nazionalistiche, dopo di vê mandât a fruçons chest continent, dopo di vê semenât il tuessin dai odis tra i popui e il malan des vueris a ripetizion, e je rivade sul ôr dal faliment (Josef Marchet, Su altris fondis);
il Guvier irlandês legjitim (Dáil Èireann), cul so president Eamon de Valera, al veve proclamât la indipendence de Republiche di Irlande (Carli Pup, La seconde Irlande)
Sin. libertât
