Dizionari de Lenghe Furlane

liberâl  li|be|râl  [AF]

1. adi., s.m. [AF, TS] polit. che, cui che si ispire ai principis dal rispiet de libertât individuâl e de libertât di iniziative economiche:  la int e finì cul intropâsi in cuatri partîts: chel liberâl, chel socialist, chel comunist e massime chel de democrazie cristiane (Francesc Placerean, Cuintristorie dal Friûl dal 1866 fint in dì di vuê)
   
   1. che, cui che al è iscrit o al à simpatie par un partît che si ispire a chei principis:  Cumò Degasperi al à butât fûr i liberâi, anzit a son lâts fûr di bessôi. A son lâts fûr parcè che a san di podê intrigâlu ancjemò plui, stant in bande, che no di dentri (Josef Marchet, La scrassigne); i siei riferiments [di Burns] al republicanisim, la condane des disavualiancis sociâls e une cierte vene di anticlericalisim lu àn fat deventâ un riferiment ancje pai prins liberâi e socialiscj (Carli Pup, Teritoris - Oms di Libertât)
2. adi., s.m. che, cui che al da, che al concêt cun facilitât, par judâ, cence interès personâl:  beneficâ chel tâl, / po vantâsi cun ducj omp liberâl, / l'è l'unic mieç, che scusi siôr Simon, / di fâ piardi il valôr ae buine azion (Pieri Çorut, Il Strolic furlan par l'an 1827)
   Sin. cortesan , franc , larc , prodic , splendit , viert , gjenerôs

Proverbis:

• il liberâl e il semenadôr a van par un troi