Dizionari de Lenghe Furlane

lenti  /lé-/  len|ti  [AF]

1. av. là, intun lûc lontan o no tant dongje di cui che al fevele
   Sin. là , culà , venti , li¹ , alì , alà
   Var. lenci , lent³
   
   1. intun lûc a pene dit o che si capìs dal contest:  so fi Gusto, che al torzeonave lenti, al lampà il scjap [di âfs] in svol e, cul cjâf adalt, i le daûr fintremai che lu viodè a imbusâsi tal çondar di un morâr de braide (Alviero Negro, Lis âfs di Min); jê si sintive fûr di puest, no capive cemût che e fos capitade lenti (Jolanda Mazzon, Fûr di timp)
   2. ancje cun valôr gjeneric, in gjenar in corelazions, par segnâ un altri lûc indeterminât:  lu veisu capît par ben? Par dret e par ledrous? Par devant e par davour? Parsot e par parsora? Par ca e par là? Par culì e par culà? Par chenti e par lenti? (Stiefin Morat, Donald dal Tiliment)
2. prep. dongje, in maniere no ben determinade, di un lûc lontan di cui che al fevele:  la tignude e je a Trebra, un sît lenti Nordhausen, robe de famee Kuchental (Ivano Urli, Storie di Vera)

Polirematichis e espressions idiomatichis

• lenti jù loc.av.
• lenti sù loc.av.
• lenti vie loc.av.