laude
/là-/
lau|de
[CO]
-
s.f.
espression, pal plui discors o scrit, di gradiment, di complasiment viers di cdn. o di alc:
"Un artist di prime sfere, chel che al à piturade la capele dal Domo, un dai artiscj plui celebrâts che nô si vedi tal Friûl e forsi plui inlà." "Masse laudis, siôr plevan." (Costantino Smaniotto, Co l'amôr al cimie)
Sin. agradiment
, aprovazion
, compliment
, gradiment
-
s.f.
preseament sociâl che al ven in graciis di un merit:
Culau, Pieri e Gotart, / Meni, Marc e Lenard, / e sei dit pûr a lôr laude, / umign da ben, di onôr, e sence fraude (Ermes di Colorêt, I, 182);
a ognidun il so dolôr e lis sôs strussiis, ma ancje a ognidun il so blasim e la sô laude: il so ben e il so mâl (Dino Virgili, La aghe da pît la cleve)
Sin. glorie
, onôr
-
s.f.
[CO, TS]
lit.
preiere, cjant e v.i. par laudâ o onorâ la divinitât:
lis laudis a vevin cinc salms, une cjante e il Benedictus. Une recite normâl e seguitive dal breviari ti domandave une buine ore (Antoni Beline, La fabriche dai predis)
Sin. celebrazion
, esaltazion
, onôr
-
s.f.
note di merit inte votazion di un esam o di une tesi di lauree, che e pant un risultât particolarmentri bon:
ben, tu âs otignût la promozion cun laude! (Fausto Zof, Cors di lenghe furlane);
si è laureât cun laude in Inzegnarie eletroniche (Redazion il Diari, Google al premie la ricercje de Universitât di Udin)