Dizionari de Lenghe Furlane

lâ pai trois    [CO]

1. loc.v. tal sens letarâl, lâ par itineraris strents, che no rivin ae grandece o ae impuartance di une strade:  al è improibît di lâ, la strade e je sbarade da lis sentinelis, ma o lin pai trois (Pieri Somede dai Marcs, Sul prât Soreli)
2. loc.v. (coloc.) slontanâsi di un puest o di une compagnie:  co son stâs stufs e son finalmentri lâts pai trois (Costantino Smaniotto, Co l'amôr al cimie)
   Sin. lâ vie
   
   1. (fig.) sparî, lâ in nuie:  la inventive poetiche e va pai trois. O lassi [di scrivi] (Arturo Feruglio, Viaç a Vignesie); "No pensistu, no, che cheste siore, cheste contesse, sence dî ne trê ne cuatri, no tornarès di colp indaûr, e che il matrimoni nol larès pai trois?" (Ercole Carletti, Mariute)
      Sin. lâ in fum

Components:

• lâ v.intr., s.m.sing.
• troi s.m.