Dizionari de Lenghe Furlane

lâ in fum    [CO]

1. loc.v. finî brusât dal dut:  «Lassaitmi… lassaitmi che mi buti dentri, che mi brusi ancje jo!… Puars i miei fruts pal mont… lôr tant sfadiâ e cumò dut al va in cinise… Ducj i lôr sudôrs di sanc a van in fum… lassaitmi murî…, oh puare la mê canaie… Signôr judaitmi!» (Pieri Menis, Sflameadis)
   Sin. lâ in cinise , lâ in faliscjis
2. loc.v. sfantâsi, sparî o no rivâ nancje a inverâsi:  in 10 agns a son lâts in fum 7 mil puescj di vore e 1200 aziendis a àn plantât sac e râfs (Redazion La Patrie dal Friûl, Cul mileni gnûf la edilizie e je colade a tocs)
   Sin. lâ in nuie
   Cfr. lâ in cinise
   
   1. (pop., coloc.) ancje in espressions ofensivis:  "E lait ducj in fum!" (Francesco Coletti, Romeo Battistig, Arturo Bosetti, La massarie dal plevan)
      Sin. lâ in casin , lâ in galere , lâ tal ort

Components:

• fum s.m., adi.inv.
• lâ v.intr., s.m.sing.

Proverbis:

• robe robade e va dute in fum