Dizionari de Lenghe Furlane

insiorâ  in|si|o|râ  [AF]

1. v.tr. fâ deventâ siôr o plui siôr, fâ vê plui bêçs, plui bens, plui risorsis:  chestis cifaris milionaris a saran tamesadis in lunc e in larc, tal scandai, par capî ce setôrs che a son favorîts e in ce misure che tancj bêçs a insiorin la economie furlane (Mario Zili, Trop che al bute l'ateneu); i grancj invistiments fats a laran a insiorâ cualchidun altri (l'Ors di Pani, L'aeropuart nol rive a svolâ)
   Sin. inricjî
2. v.tr. fâ deventâ plui bondant, plui grant, plui furnît, plui complet e v.i.:  i siei scrits [di Novella Cantarutti] a insiorin il panorame de leterature furlane (Sandri Olivetto, Mandi Poetesse)
   Sin. incressi , aumentâ , cressi , ingrandî , ingruessâ , slargjâ , inricjî
   
   1. fâ deventâ plui biel, plui elegant, plui preseât e v.i.:  jê i tignive une vore a insiorâ la sô cjase di robis vieris, antighis, come armârs, panariis, gratulis, vintulis, cassons, plats di crep piturâts o di peltri, bussui, e vie discorint (Meni Ucel, Culturis); lis rosis a butin i ultins colôrs, a insiorin la cjase di bilisie (Alan Brusini, Gian Paolo Linda, I forescj)
      Sin. abelî , contornâ , furnî , imbilisiâ , inricjî