inneâ
in|ne|â
[AF]
-
v.tr.
copâ cdn. scjafoiantlu inte aghe o intun altri licuit:
i ardîts inmò in divise, a inneavin predis austriacants tai lavadôrs (Alan Brusini, Come tai romançs);
«Tu puedis ancje inneâmi; al è dibant, no ti disarai nuie.» (Pieri Menis, Cui si jerial impaçât cun Modestute?);
se a cressevin lis pantianis si cirive di inneâ mancul gjats e di tirânt sù di plui (Riedo Pup, Pantianis di cjase e gjats di fûr vie)
Sin. neâ2
Var. innegâ
, inneiâ
Cfr. scjafoiâ
-
v.tr.
(fig., iperb.)
jemplâ o meti sot di une cuantitât fûr di misure, sedi di alc di materiâl che di imateriâl:
fâ scliçâ fûr tante benzine di inneâ la penisule (Josef Marchet, Il cancar);
polente polente polente di inneâ dute la basse (Stiefin Morat, Microrivoluzions)
-
v.tr.
(fig.)
fâ passâ un umôr, un displasê e v.i. cul bevi, cul incjocâsi:
Zuan al tornà in ostarie a inneâ dute la smare ingrumade (Maria Forte, La tiere di Lansing);
i pinsîrs neris si ju lasse par une altre dì o che si cîr di inneâju intun bocâl di vin (Josef Marchet, Siarâ i voi par no viodi)
-
v.tr.
(fig.)
fâ sparî alc, fâ che no si viodi, che no si sinti, che nol vedi efiet e v.i.:
il sunsûr dal mulin parmìs da la aghe al inneave lis peraulis come no ditis (Dino Virgili, La aghe da pît la cleve)
Sin. stramontâ
, parâ sot
, platâ
, cuvierzi
, copâ
, scjafoiâ
Proverbis:
- la cussience e je inneade tal poç