infet2
/-èt/
in|fet
[CO, TS]
-
s.m.
med.
passaç, difusion di une malatie di un malât o di un agjent ambientâl a un individui san e la malatie stesse che si difont:
il miedi dal Comun po, nol rive a capî di ce che e mûr la int e cun lis medisinis che al à nol rive a fermâ l'infet e no si da pâs (Pauli Jacuz, L'infet);
il stât di emergjence e la pôre dal infet a àn tignût a cjase cetancj di lôr (Marc Stolf, Catalogne, a vincin i indipendentiscj)
Sin. infezion
Cfr. epidemie
-
s.m.
(fig.)
robe o cundizion caraterizade di sporc e puce:
tal confusionari [confessionari] al jere un infet e nancje Bepo muini nol pendave di jentrâ a netâ dibant (Antoni Beline, Pre Pitin)
Sin. sporc
, cragne
, porcarie
-
s.m.
(fig.)
fenomen negatîf che al pues slargjâsi:
al risulte dimostrât che une des formis plui penzis che e à favorît e slargjât chest infet [la criminalitât organizade] a son stâts i “soggiorni obbligati” [dai mafiôs] (Redazion il Diari, La sgrife de mafie su la economie dal Nord)