infezion
/-òn/
in|fe|zi|on
[CO, TS]
-
s.f.
med.
passaç, difusion di une malatie di un malât o di un agjent ambientâl a un individui san e la malatie stesse che si difont:
"Ma ce saio jo, cuant che o viôt i fiars, che al sei piricul di cualchi infezion?" "Po laiso ator cumò! Infezions cul dotôr Mario?! [...] l'è scrupolôs, plen di atenzions e net po…" (Bruno Paolo Pellarini, L'anel striât);
i apassionâts di Carniarmonie [...] a pensavin che cheste edizion no si fasès par vie dal pericul di infezion di coronavirus (Alessio Screm, Carniarmonie: un Istât di musiche inte purece de mont)
Sin. infet2
Cfr. epidemie
-
s.f.
med.
proliferazion di bateris intun organisim, soredut intune feride o intune lesion:
la pês di pin che intune gnot ti gjave une spine o une sclese cence nancje che tu ti visis e ti mortalize la cjar par che no tachi la infezion (Riedo Pup, I furlans e lis medisinis);
aromai canât e sflanchinant pe fiere che la infezion des feridis i veve fat vignî, al decidè di fermâsi (Roberto Ongaro, Il muc)