incrosadure
/-ù-/
in|cro|sa|du|re
[CO]
-
s.f.
l'incrosâ, l'incrosâsi e il lôr risultât:
[l'arc al è] pleât (o a carene, o a flame o gotic) se al nas di une incrosadure di doi cerclis (Bepi Agostinis, Storie de art in Friûl)
Sin. incrosament
, incrôs
-
s.f.
pont li che dôs o plui stradis si incrosin:
ancja sun chê stradis, dulà che al è facil a sbalgjâ, specialmentri ne lis incrosaduris si metin dai segnos di stran (Antoni Brumat, Compendi di ducj i contegnos pal soldât comun tant in guarnigjon, come in cjamp devant il nemì, cul zurament e i articui di vuera);
la Madone Miraculose logade di cualchi an tal Capitel a ret de incrosadure des stradis viars Reane e Riçûl (Jacum Pilut, Ribis 1649: storie e liende)
Sin. crosere
, crosade1
-
s.f.
pont li che si dividin o si cjatin plui riui:
ducj i fossâi ju bateve ad a ments, e lis incrosaduris des aghis sfiliadis di bladaçs dai palûts (Maria Forte, Il vivi al è chel rangjâsi)
-
s.f.
cumbinazion di plui fats che a sucedin tal stes moment o intune sucession casuâl ma che e somee destinade:
il furlan al è deventât lenghe par leç ai 25 di Novembar 1999, il dì di Sante Catarine, e par une furtunade incrosadure il nestri President al à podût dâ la buine gnove juste tal salon de Province di Udin, dulà che si jerin radunadis passe dusinte personis pe presentazion dal “Strolic” (Gianfranco Ellero, Il furlan lenghe par leç)
Sin. cumbinazion
, câs
-
s.f.
[CO, TS]
biol., zoot., agr.
gjenerazion di un individui partint di individuis di specie diferente o di varietât diferente:
i sostignidôrs de inzignirie gjenetiche a declarin che cheste tecniche e je plui precise e previodibil in confront dai sistemis di incrosadure tradizionâi (Silvia Battaglia, Gjens, vîts e bulons...)
Sin. incrosament
Cfr. incrôs