incrôs
in|crôs
[CO]
-
s.m.
l'incrosâ, l'incrosâsi e il lôr risultât:
al cjalave cun ingôs un nûl palit palit, dut sgjavelât, che al faseve, sot vie, un viaç, al incontrari di chei altris, plui neris, che a corevin parsore. Lu cjalave par capî cetant bas che al podeve sei e se un aiar plui just al rivave in timp a puartâlu vie in algò. [...]. E al menave il cjâf, sconfuartât. "Un incrôs di aiars che no mi plâs" al diseve (Maria Forte, La rive di Sant Pieri)
Sin. incrosament
, incrosadure
-
s.m.
[CO, TS]
biol., zoot., agr.
individui gjenerât partint di individuis di specie diferente o di varietât diferente:
il Viburnum opulus, che par furlan al vignarès a jessi il Paugnat, ma che par solit lu clamin "Balons di nêf" cuant che al è te forme di incrôs di zardin (Sandri Secco dai Juris, La Paùgne che e florìs a Nadâl)
Cfr. incrosadure
, incrosament
-
ancje in altris cjamps, ancje no specialistics, element che al risulte, daûr di procediments ancje une vore diviers tra di lôr, di plui elements di fate diferente:
esal mai pussibil che une peraule come riuç, probabil incrôs di riu/riul cun roiuç/ruiuç e puedi sei di une antighitât tant rimote? (Josef Marchet, Sante Margarite di Gruagnis)