incrosât
in|cro|sât
[CO]
-
p.pass., adi.
viôt incrosâ
, viôt incrosâsi
-
adi.
che al à une linie, une direzion, une disposizion che si traviersin cun chês di un altri element:
la puarte de cooperative cun doi spîs di forment incrosâts su la pale (Dino Virgili, La aghe da pît la cleve)
-
adi.
di part dal cuarp, tignude parsore di une altre, in gjenar par polsâ o, tal câs dai dêts, par scaramanzie:
Nando al jere restât indiferent, i braçs incrosâts sul banc (Alan Brusini, Par stradis lungjis)
-
des ceis, strentis e sbassadis tal mieç, in espression dure:
la femine ju scuadrà da cjâf a pîts cu lis ceis incrosadis (Luigi Gortani, La ospitalitât)
-
adi.
di moviment, dinamiche, fenomen e v.i., formât di elements che a van e che a vegnin in direzions contrariis:
une tiere di migrazion incrosade (Antoni Beline, Sant Jacum, là che al finìs il mont)
-
adi.
di element, ancje astrat, che si zonte e si lee cuntun altri o cun altris:
secui di miserie e di fan incrosade (Antoni Beline, Furlans pe Patrie)
-
adi.
che al è complicât, dificil di cjatâ une soluzion:
al jere chel il moment plui incrosât par lôr (Maria Forte, Cjase di Dalban)
Sin. intrigât
, intrigôs
, complicât
