impirâsi
im|pi|râ|si
[CO]
-
v.pron.intr., v.pron.tr.
colpîsi, sbusâsi cuntune ponte, spec. passantsi fûr par fûr:
«Sâstu parcè che Edipo si impirà i voi cuntune gusiele? […]» (Carlo Sgorlon, Il dolfin)
Sin. forâsi
, foropâsi
, infilzâsi
, insfilzâsi
, sfilzâsi
, sbusâsi
, strapassâsi
-
restâ trapassât tun ogjet a ponte:
e jere sbrissade su la ringhiere de balconade e, colant par daûr, e jere lade a impirâsi propit su chel fier (Adriano Nascimbeni, Une brute dì)
-
v.pron.intr.
jentrâ dentri sbusant:
[l'am di pescjâ] si jere impirât tal mieç de mê man, e il sanc al coreve (Lucio Perès, A pescje tal suei);
trê cuatri chilos di fiar açalin, molâts jù cun dute viamence, a vadin a impirâsi, travanât il scjapin dal scarpet, propit a taco dal dêt poleâr dal pît çamp (Osiride Secco dai Juris, Par colpe di un massalâr carulât)
Sin. ficjâsi
, jentrâ
, lâ dentri
, penetrâ
-
(fig.)
lâ traviers di un puest strent o traviers di plui robis:
si jevà sù e, rasant la parêt, si impirà daûr de tende che e taponave une des jessudis di sigurece (Fabian Ros, Un piçul particolâr);
e, prin che il troi si impiri pe ultime volte tal penç, o cjali il slambri grant de grave, e o sai dulà che o soi (Stiefin Morat, Donald dal Tiliment)
Sin. imbusâsi
, ficjâsi
, jentrâ
, lâ dentri
, penetrâ
-
v.pron.tr.
metisi intor alc li che e jentre une part dal cuarp:
in scuadre cun me a saran dîs imbulonâts orincorinco che no savaran nancje impirâsi lis scarpis (Stiefin Morat, Donald dal Tiliment);
si jere impirât la gjachete par tornâ a cjase che e jere ore (Fabian Ros, La rambe)