imbecilitât
im|be|ci|li|tât
[BF]
-
s.f.
mancjance di inteligjence:
son i plui pericolôs, che puedin per la lôr imbecilitât, o per la lôr mancjance di dignitât umane, tradî e vendi une cumun interie (Giuseppe Ferdinando del Torre, Il contadinel. Lunari par l'an 1863);
la scuele [...] à di dâ chel sens de storie e dai valôrs che a permetin al frut di judicâ di bessôl su la bontât o la imbecilitât di une trasmission (Antoni Beline, Une scuele pai furlans)
Sin. cjastronarie
, stupiditât
, idiozie
, stupiderie
, stupidece
, stupidagjine
, imbecilagjine
-
s.f.
robe fate o dite cence inteligjence, cence sintiment
Sin. stupidagjine
, cretinade
, bestialitât
, cagade
, capele
, capocjade
, cjastronarie
, cjastronade
, sempiade
, sempieç
, mussade
, putanade
, vacjade
, boiade
, falope
, macacade
, stupidade
, stupiditât
, imbecilagjine
