grote
/-ò-/
gro|te
[AF]
-
s.f.
grant ingjâf naturâl tal teren o tal clap:
une grande plere plene di aghe turchine. Ma no turchine par mût di dî, turchine pardabon, intune maniere uniche, che nome si viôt une robe compagne che intune grote di Capri (Dino Virgili, Un riul tra Venit e Friûl);
a ti capita cussì denant di una grota e va drenti par polsâ. Tal cret a era una sclapadura toronda e vigniva fûr spissulant un fîl di aga (Ugo Pellis, Catinuta)
Sin. buse
, caverne
, çondar
, foran
, grotam
, speloncje
, landri
-
in particolâr in riferiment ae nativitât di Crist o al presepi, stale ingjavade tal cret dulà che la tradizion e dîs che al fos nassût Crist a Betlem:
a son indafarâts a preparâ il presepi: muscli, plantis, savalon pai trois, claputs e po agnui di zes, pioris, pastôrs, la stele dute di arint… Cetant dafâ! E infin, sul muscli umit, dongje de grote, cuatri scarputis, lusintis come spiei, cu la letarute dentri pal Bambin Gjesù (Pieri Menis, Nadâl ancje par Gjelmin)
-
s.f.
(fig.)
cjase o costruzion une vore puare e malmetude:
e scuen propri stâ a meti un pôc in sest chê grote plene di scovacis e di pulinis che e je la lôr cjase (Josef Marchet, Lis predicjis dal muini)
Sin. cjôt
, stale
, landri
, speloncje