stale
sta|le
[FO]
-
s.f.
costruzion in bande di une cjase o ancje par so cont, par sotetâ lis bestiis, spec. vacjis, cjavai, mus, mûi:
te stale lis vacjis a sberlavin, che nissun si jere visât di dâur une grampe (Pieri Menis, Il fi de Rosse);
si jere ritirât te sô alte cjase di Adorgnan e là al viveve cun cjans e cjavai, une coghe e un famei che i guviernave la stale (Alan Brusini, Come tai romançs);
a jê ducj i volevin ben e tant vulintîr la int dal borc e vignive in file di Invier te lôr stale o te cusine nere nere ator dal fogolâr (Pieri Somede dai Marcs, A jerin lagrimis);
un tac di cristian cu lis gjambis che a tiravin a cavalot e, intorsi, un nasâ di stale, come un so odôr naturâl (Maria Forte, La tiere di Lansing)
-
s.f.
cuantitât di bestiis tignudis in chel lûc:
lis vacjis, si sa, a jerin pai furlans la misure di ogni ricjece: al jere siorut chel che al veve une biele stale di bestiis (Riedo Pup, I furlans e lis bestiis)
-
s.f.
(fig.)
puest sporc e disordenât:
cheste cusine e je une stale!
Sin. cjôt
Proverbis:
- il bo vielon al mûr te stale dal mincjon
- nol vâl sierâ la stale co a son stâts robâts i bûs
- stale plene e cjast plen, stale vueide e cjast vueit