gjave1
gja|ve
[CO]
-
s.f.
lûc, soredut cun struturis e implants, di li che si tirin fûr minerâi:
Tilio al jere stât prin intune gjave di cjarbon; po dopo vuardian di bestiis intune grande cassine (Pieri Menis, Il fi de Rosse);
«Il vecjo çoc nol da plui rizile buine» al continuà Min «Tocjarà vierzi e screâ une gjave plui insù» (Maria Forte, La tiere di Lansing)
Cfr. miniere
, mine1
-
s.f.
(fig.)
maniere di jessi o di fâ:
pussibil che i capuçats a sedin ducj de stesse gjave! (Maria Forte, Mabile la Lunghine)
Sin. fate
, stampe
, stamp