mine1 mi|ne [AF, TS]
- s.f. arm., tecn. esplosîf che si met intune buse fate intune struture che si à di fâ saltâ: une zornade i minadôrs che a stavin lavorant a forâ la montagne, dopo sclopadis lis minis, a viodin a vignî dal alt un riul di aghe fûr par une trombe vierte tal sofit de galarie (Pieri Menis, Lis leiendis di Buie); nô o vevin di gjavâ sâl, […] fâ saltâ cu lis minis e po dopo cul picon slargjâ lis stanziis par i machinaris (Max Mauro, Buchenwald 1944)
- s.f. arm. bombe particolâr, platade in mût di no jessi viodude dal nemì, che e sclope cuant che cdn. o alc i passe dongje o parsore: al veve vualmât trê rus muarts a mieze strade viers il flum. A jerin lâts par aiar suntune mine, di chês che i alpins a vevin semenadis tai prâts dilunc de Vorska (Agnul di Spere, Cjalant la rive)
- s.f. implant di estrazion di minerâi: a vignevin das montagnes, das Alpes, là, das montagnes, da la campagne, e son rivâts achì [a Charleroi] […] che cuant che a levin jù ta mine a vaìvin come fruts (Carlo Della Vedova, Luca Peresson, Farcadice - diari di viaç: Charleroi); lis minis di cjarbon in Alberta in Canadà (Redazion La Patrie dal Friûl, Un viaç infinît)
- s.f. [CO] piçule aste di grafite, lungje e fine, di un lapis