galantom
/-òm/
ga|lan|tom
[AF]
-
s.m.
om onest, leâl, plen di buinis cualitâts morâls:
un grant galantom e un bon cristian: come che a 'nd è pôcs! (Arturo Feruglio, Lis cjichis dal papà);
un groput di galantsumign che a àn insiemi e competence e fedeltât sigure e che a saressin al câs di implantâ la risoluzion di chestis cuistions parsore di fondamentis siguris (Josef Marchet, Fûr cui che i tocje);
cussì a usin i galantoms. La peraule e je peraule (Gianni Gregoricchio, Îr e doman)
-
ancje tant che apelatîf gjeneric:
al si tacà a cori daûr ai doi viandants. Fat un bocon di strade ju cjapà. "Ou galantom! galantom!" a i vosà al Signôr. "Ce us ocoriel, mestri sore ducj i mestris?" (Luigi Gortani, Il mestri sore ducj i mestris)
-
adi.
plen di buinis cualitâts morâls:
so pari, natîf di Braçan, al veve cjolt in afit un mulin su lis nestris roiis. […] Atîf e galantom in pôc timp al veve fats une vore di aventôrs (Catarine Percude, La mulinarie);
culì la int e je malfidente, ruspiose di scusse, dificile di capî. Ma libare e galantomine (Alan Brusini, Gian Paolo Linda, I forescj)
Sin. onest
, just
, dret
-
s.m.
(antifr.)
om di pôc valôr morâl:
o stoi pensant a dute chê galarie di galantoms che a presumin di vê cjapât sù il nestri puest e a restin sentâts sui lôr trons, ven a stâi ducj chei predis curiâi, o piês ancjemò chei galantoms de politiche plui o mancul alte, i funzionaris des istituzions, plui o mancul inutilis (Angelo Floramo, Un lamp (Belen))
Proverbis:
- a Trave e Vinai, a Lauc e Davai, un galantom no si cjate mai
- al è stât un sôl galantom in chest mont e ancje chel al è muart picjât
- al è stât un sôl galantom in chest mont e lu àn metût in crôs
- cui che nol à debits nol è nancje un galantom
- daspò muarts ducj a son galantsumign
- daspò muarts si devente galantoms
- galantoms si nas, no si devente
- il timp al è galantom
- in cjase dai galantoms prin lis feminis e po i oms
- l'amôr propri al mûr vot dîs daspò di un galantom
- ni la malatie ni la preson no àn mai fat un galantom
- tai paîs dai laris ducj a son galantoms