Dizionari de Lenghe Furlane

massarie¹  /-àr-/  ma|ssa|ri|e  [CO]

1. s.f. femine che e fâs servizi in cjase sot paron:  Svualdine, la massarie anzianote, e finive di distrigâ i lavôrs po si sentave ancje jê, suntun bredul, a scussâ fasûi o a specolâ sorc (Maria Forte, Cjase di Dalban); Tinorio al imparà prest ducj i lôr vizis. Bevi, zuiâ, morosâ cu lis massariis e cu lis camarelis (Catarine Percude, L'oseladôr)
   Sin. famule , femine di servizi , servidore , sierve , mamule
   Var. massare

Proverbis:

• a san plui il plevan e la massarie insiemi che no il plevan bessôl
• ce colpe aie la gjate se la massarie e je mate?
• cuant che il ragn al ties la tele, la massarie e po metile a suiâ
• cui che nol cjate donzelis al bale cun putanis e cui che nol cjate putanis al bale cun massariis di predi
• no si po vê il caratel plen e la massarie cjoche
• se la massarie e je mate, no stâ dâi la colpe a la gjate