furiôs
fu|ri|ôs
[CO]
-
adi.
plen di furie, di rabie, cence nissun fren razionâl:
l'ingrampe il so compagn, e furiôs / i mene a braçs aviarts, cuasi lu mace (Pieri Çorut, La sdrondenade in Autun);
"L'intendent al è furiôs e se no i tiri fûr chel che i covente, al è bon di traslocâmi in Boemie lui, altri che fotis!" (Arturo Feruglio, In cîl e je une stele!…);
"Ma cheste e je zelosie furiose!" (Bruno Paolo Pellarini, Comari 'Sese)
Sin. rabiôs
, furibont
, rabiât
, imbesteât
, furent
-
ancje di alc di inanimât, violent, che al somee plen di rabie:
buliva il mâr plui furiôs, la aria no veva riten (Federigo Comelli, Il me paîs)
