fradi
fra|di
[FO]
-
s.m.
frut o om che al à in comun cuntune altre persone i gjenitôrs:
agne Sofie di frutate e faseve l'amôr cun Davide Cjapon, e so fradi Vigji cu la sûr di Davide, Miute (Pieri Menis, Sot il puarti);
Guri si veve tignûts dongje siei fradis e al stave li a cjalâju che a finivin di rangjâ i lôr grabatui (Dino Virgili, La aghe da pît la cleve);
il barbe di Gusto, Gjino, al jere un fradi di puar so pari (Roberto Ongaro, Il muc)
-
tal pl. par pandi sedi sûrs che fradis:
tal Jcosameron, il romanç di fantasie che Casanova al publicà a Praghe tal 1788, Edoardo e Elisabetta, i fradis protagoniscj, a restin vîfs e a finissin tal centri de tiere (Pierluigi Visintin, Friûl e furlans te Histoire de ma vie di Giacomo Casanova)
-
(zerg.)
tant che apelatîf, indreçât a cualsisei fantat o om, cence rapuart di parintât, ma in amicizie o condivision di ideis, vision de vite, cundizion sociâl e v.i.:
sta trancuo, che dut al è pensât par ben: si va, si fâs, si torne! Tac, tac, tac! No problems, fradi, par nuie! Clâr? (Stiefin Morat, Donald dal Tiliment)
-
s.m.
cui che al è leât a altris di leams di afiet, di ideâi, di patrie, di comunance e v.i.:
o invidìn ducj i autonomiscj furlans a rindisi cont dal pês che a àn i resonaments dai nestris fradis dal Friûl Orientâl (Josef Marchet, In cercje di democrazie);
chei de Lia a vevin racuelt pes bisugnis dai fradis ladins furlans batûts dal taramot 220 milions di francs svuizars (Adrian Cescje, Memoriis di politiche linguistiche);
[il stât talian] al à di dânus il dirit di comerciâ cui fradis slovens e todescs, che o sin stâts plui di mil agns insiemi (Francesc Placerean, Di ducj i dons dal Spiritussant, cumò al covente il don dal coragjo)
Sin. amì
, compagn
, confradi
-
cui che al è in pâs cun chei altris par vie che al à chê stesse dignitât e sintiment di solidarietât:
cumò che li nassions a stan tai so cunfins, a no saran plui vueris, no mo?… E podaran jessi ducj fradis e si oraran ben, a mo? (Ugo Pellis, Catinuta)
-
ogni om rispiet a chês altris personis:
trops fra i miei fradis, che si clamin filosofs crodin, a dî il vêr, di cognossi chestis causis (Zuan Luîs Filli, Il farc)
-
s.m.
ogni cristian, rispiet a ducj chei altris tant che fîs di Diu:
in chê epistule [sant Pauli] al tire fûr i testemonis de resurezion - a 'nd è un bielissim: "Lu àn viodût in plui di cinccent fradis; cualchidun al è za muart, ma altris a son vîfs ancjemò" (Francesc Placerean, La Pasche)
-
s.m.
(fig.)
ognidun dai doi elements di une cubie o dai elements compagns tra di lôr di un grup:
ca al è un cjalçut di chei neris, ma no cjati so fradi
Sin. copari
, compagn
-
s.m.
(fig.)
robe che si somee une vore o che e je une vore leade cuntune altre:
il Pêt, fradi zemel de la Coree, / al è un sutîl vapôr de digjestion (Ermes di Colorêt, I, 167)
Polirematichis e espressions idiomatichis
Proverbis:
- al vâl plui un vicin vicin che no un fradi lontan
- fasarai al è fradi di no fâ mai
- ma e mo a jerin fradis e parintât no vevin
- miôr un trist marît che no un bon fradi
- se a 'nd ves e se a 'nt fos a jerin doi fradis e no si vignivin nuie
- se a 'nt fossin, se a 'nd vignissin, se a 'nd vessin, a son fradis
- tra fradis e sûrs plui mâl si dîs, plui ben si vûl
- trê a son i difiets dai furlans: fâur mâl ai fradis, lavorâ pai altris, alçâ il comedon