confradi
/-à-/
con|fra|di
[CO]
-
s.m.
cui che al è compagn inte stesse fradaie, inte stesse confraternite:
jù pe glesie, intant, i confradis a metevin sù la cjape e lis consûrs il vêl blanc sul cjâf, e ducj a impiavin la cjandele par compagnâ il Santissim (Pieri Menis, Tinut di Libro)
-
s.m.
cui che, cul stes nivel di altris, al fâs part di une categorie o di une comunitât che si calcole tant che une famee:
i Capucins, davant di acetâ un gnûf confradi, e àn par massime di fâ come i cjarbonârs e i framassons; lu metin a lis provis (Giovanni Gortani, Un mus che al va frari);
vâl la pene dîlu chest no pai miei confradis predis che ju ai culì - pal amôr di Diu! - ma par chei che no son vignûts (Francesc Placerean, Mai separâ la religjon de vite, Diu dal mont, l'om di Diu)
-
s.m.
(fig.)
cui che al à un leam di afinitât ideâl o materiâl, che si cjate intune stesse cundizion, o ancje che al è compagn in cualchi ativitât, ancje dome di divertiment:
Ai Piombi, confradis, / la Patrie nus clame! (Romeo Battistig (?), Ai Piombi);
Valter il todesc, Mirtillo, Bruno, Guido e i lôr confradis vagabonts, artiscj falîts, pensionâts, int che no si saveve ce che a fasessin di mistîr, a cuatri a cuatri, a jerin za daûr a zuiâ di cjartis (Amedeo Giacomini, Tal ospedâl)
Sin. amì
, amigo
, copari
, compagn