forment
/-è-/
for|ment
[FO]
-
s.m.
non comun di diviers cereâi dal gjenar Triticum, pal solit Triticum sativum, che a dan gran che si dopre par fâ farine di pan, paste e v.i.:
sù pai roncs de Cleve soreglade intant al ingranive il forment (Dino Virgili, La aghe da pît la cleve);
al palombave il forment, inmò lusint di vert parentri (Dino Virgili, La aghe da pît la cleve);
il cjamp zâl di forment madûr (Alan Brusini, Par stradis lungjis);
i lavôrs plui sfadiôs, che a jerin par jê: fâ lens, svangjâ, cuei grame, seselâ forment (Pieri Somede dai Marcs, Nardon e Vigjute di Nani);
al è il forment di taiâ, il sorc di ledrâ, cualchi cjamput di seâ (Josef Marchet, Lis predicjis dal muini);
invezit des tamossis di forment e di siale, si viodevin balis di stran (Lucio Perès, Messe a Sant Zuan);
al contave i balçârs di forment, tal cjamp, e i grums di panolis tai blavârs (Dino Virgili, La massarie);
o cjatìn il puarton viert, dentri o viôt une machine di bati forment (Ivano Urli, Storie di Min);
sul cjast al palotave il forment che nol ves di paveâ (Alan Brusini, Come tai romançs)
Var. froment
, furmint
Cfr. spi
, grignel
, gran
, blave
, pire1
, pirefare
, pirespelte
, spelte
Proverbis:
- a Sant Martin al vûl il forment tal cjamp o tal mulin
- al vâl plui il cûr content che no pan di forment
- cuant che la ciale a cjante, il forment al palombe
- cuant che si semene vece, nol po nassi forment
- il forment plui si lu ten e plui ben si lu vent
- no si traii il pan di forment al purcit
- Sant Pauli lusint, tante paie e tant formint
- Sant Pauli scûr, forment sigûr