fen
/-è-/
fen
[FO]
-
s.m.
jerbe taiade e tignude par dâle di mangjâ aes bestiis e se al covente ancje par durmî tal fof e tal cjalt:
i stalîrs si devin da fâ: fen e vene pai cjavai o meti un fier pierdût par strade (Alan Brusini, Come tai romançs);
a bunora la agna Mia a pensà che a podeva riscjâsi a zî tal louc di là dal punt a tuei na cjama di fen (Novella Cantarutti, La agna Mia di Ristec);
i toglâts plens a misturavin l'odôr dal fen fresc cun chel dal most che al vignive dai foladôrs (Roberto Ongaro, Il muc);
i puartà, tal coridôr, un plat di mignestre vanzade a misdì e po i cjatà un puest par passâ la gnot sul fen, cul fagotut che i faseve di cussin (Maria Forte, Cjase di Dalban)
Sin. prin fen ipon.
, secont fen ipon.
, altiûl ipon.
, riesi ipon.
, muiart ipon.
, ragagn ipon.
Cfr. seâ
, slargjâ
, ristielâ
, fâ in côl
, paie1
Polirematichis e espressions idiomatichis
Proverbis:
- a vendi fen si compre miserie
- cjavre di fen, cjavre di ben; cjavre di frint, cjavre di vint
- cui che al à fen al à cjar
- cui che al à fen al à pan e cjar
- cui che al vent fen al compre miserie
- il fen co al è bagnât al lasse il sâl tal prât
- il fen se al è bagnât lassilu salt tal prât
- il mus al paie il fen cui scalçs
- il puar om nol à mai ben: se i mûr la vacje i vanze il fen, se la vacje e campe il fen i mancje
- la vacje e mangje il fen parcè che al è stât jerbe
- mangjio stran o mangjio fen, ce che mi va in bocje mi sta ben
- miôr jerbe sute che no fen bagnât
- o di fen o di vene la panze e à di sei plene
- o di paie o di fen bisugne che si jempli il magazen
- o di stranc o di fen baste che si jempli il magazen
- o di stranc o di fen, il stomi al à di sei plen
- o plui fen o mancul cjavris
- o plui fen o mancul nemâi
- o plui fen o mancul pioris
- o stranc o fen, o mangjarìn ben
- ogni biele rose a va in fen
- ogni jerbe e devente fen
- pan, gaban e fen a stan simpri ben
- Sante Agnese, mieç fen e mieze spese