Dizionari de Lenghe Furlane

ristielâ  ris|tie|lâ  [CO]

1. v.tr. (ancje ass.) dâ dongje o lavorâ cul ristiel:  lis feminis a ristielavin i altagns de mediche, seade il dì prime (Pieri Somede dai Marcs, La bissebove); al veve svangjât insot, ramondât pulît, ristielât par puntin (Jolanda Mazzon, Cungjò Friûl)
   Var. restelâ , arestelâ
   
   1. (fig.) passâ cun alc che al vedi plui elements luncs paralêi e che al puedi someâsi cuntun ristiel:  i umign a jentravin ta la aghe, a cjaminavin ta la aghe, ristielant cu lis mans ta la aghe (Dino Virgili, La aghe da pît la cleve)
2. v.tr. (fig.) dâ dongje, cjapâ o cirî di cjapâ, di vê:  la sô jessude di chê cjase no i veve lassât masse timp par pensâ: di graciis che al veve rivât a ristielâ i vistîts e lis scarpis che la fantate i butave jù pes scjalis (Franco Marchetta, Il numar 1089)
3. v.tr. [CO, TS] milit. (fig.) perlustrâ in maniere ordenade une zone, cuntun numar di soldâts, o in câs di agjents des fuarcis dal ordin, che al permet di cjatâ e in câs concentrâ ducj i nemîs e in câs dute la popolazion civîl:  a van cjase par cjase a ristielâ i brigatiscj che a son ancjemò a spas (Renzo Balzan, Stagjon di bilitis)
   
   1. [CO] (fig.) perlustrâ, cirî in maniere sistematiche ancje fûr dal setôr militâr o des fuarcis dal ordin:  osservatoris professionâi che a ristielin il cîl in mût mecanic a la scuvierte di cuarps misteriôs (Gloria Angeli, Il Strolic furlan pal 2013)

Proverbis:

• i bêçs no si ristieliju