Dizionari de Lenghe Furlane

fazion  /-òn/  fa|zi|on  [CO]

1. s.f. part definide in contrast cun altris, soredut par interès politic, ideologjic, religjôs:  a cjaval tra il Cuatricent e il Cinccent la nobiltât furlane si cjate dividude in dôs fazions: i Strumîrs e i Çambarlans (Carli Pup, Il Friûl de Joibe Grasse dal 1511)
2. s.f. [BF] azion di fâ:  agaçs che, une volte a tocs, a daran un len di fazion (Alan Brusini, Par stradis lungjis)
   Sin. opare , costruzion
3. s.f. [BF] capacitât di fâ un servizi, di vê un efiet:  cumò l'argagn al varès di vê plui fazion: al ven a stâi che al varès di fâ mancul sunsûr e plui lavôr (Josef Marchet, La scrassigne)
   Sin. funzionalitât , eficience , efiet
   Cfr. servizi
4. s.f. [FÛ] servizi obligatori:  e l'è ancje di pramatiche di invidâ l'uficiâl di fazion a lâ in taule cul Vicerè (Giovanni Gortani, A la sagre di Mion)
   Sin. servizi