Dizionari de Lenghe Furlane

fâ prese    [CO]

1. loc.v. di materiâi tant che cole, ciment, stuc, zes e v.i., suiâsi e deventâ dûrs:  i muradôrs a jemplarin di ciment e claps; a baterin il beton par che si infissìs. A disevin: "Bisugne che a sedin saldis". E alçavin il cjâf un moment. Doi trê dîs, e il ciment al fâs prese, si indurìs (Dino Virgili, La aghe da pît la cleve)
   Sin. cjapâ , piâ
2. loc.v. vê un contat cuntun materiâl e produsi un efiet in graciis de fuarce che si fâs parsore:  la nêf alte si jere induride e la slite si alçave e no faseve prese: i cjavai cundut che a jerin ben glacinâts a sbrissavin te nêf
   Sin. cjapâ
3. loc.v. (fig.) fâ efiet:  une viere forme di propagande che e fâs prese nome sui dordei (Josef Marchet, Sul ôr de buse…)

Components:

• fâ v.tr., s.m., v.intr.
• prese s.f.