edizion
/-òn/
e|di|zi|on
[AF]
-
s.f.
complès des ativitâts che a coventin par publicâ une opare:
inte edizion de Patrie dal Friûl dai agns Cincuante Marie Del Fabro e fo diretôr responsabil dal gjornâl e e restà cun chê incjarie fintant che il gjornâl al fo publicât (Max Mauro, Felix Marchi e il sium dal furlan-furlan)
Cfr. publicazion
-
complès des copiis publicadis di une opare:
la prime edizion e je daûr a finî e al sarà il câs di tornâ a stampâlu (Luche Nazzi, La scomesse de lenghe comune)
Cfr. tiradure
, butade
, stampe
, ristampe
-
vieste tipografiche di une opare publicade e singul esemplâr publicât intune cierte vieste:
al cjapà sù un libri che al jere sul scabel dongje dal jet. E jere une edizion economiche dal "Demone Meschino" di Sologüb (Amedeo Giacomini, Tal ospedâl)
-
(estens.)
ancje tal pl., dite o persone che e viôt de publicazion di une opare:
une cjarte topografiche di dute la regjon cui nons par furlan, butade fûr des edizions "Tabacco" (Roberta Melchior, A ogni paîs la sô muse)
Sin. editôr
-
s.f.
complès des operazions che a coventin par interpretâ, trascrivi e fâ capî un test, e test che al risulte di chês operazions:
Piruç myò doç inculurit. Si trate di une cjançon dal prin mieç dal XIV secul. O larìn daûr de edizion di Cuargnâl (Zorç Cadorin, Cualchi ipotesi sul furlan di prin di scrivilu)
-
s.f.
jessude di un cuotidian, di un notiziari radiofonic o televisîf cun riferiment ae ore di distribuzion:
il prin numar dal gjornâl «Il Friuli» al salte fûr ai 2 di Novembar dal 1848, inte rivoluzion cuintri la Austrie. Su la edizion dai 21 di Dicembar dal an istès si pues lei in prime pagjine che […] (Elio Varutti, Il Risorziment a Martignà);
la Rai de provincie di Bolzan (Bozen) e à screât il so gnûf sît internet www.raibz.rai.it li che a son a disposizion ancje lis trasmissions ladinis. Ogni dì si pues scoltâ la ultime edizion dal gjornâl radio e chê dal telegjornâl (Chiara Segrado, Lenghis migrantis)
-
s.f.
singule realizazion di un spetacul, di une manifestazion sportive o culturâl che si fâs a dadis regolârs o plui o mancul regolârs:
la edizion dal 1983 [dal Premi Friûl] e viôt vincidôr Alviero Negro, un dai plui impuartants autôrs di teatri in Friûl (Max Mauro, Un Friûl difarent: i 90 mhz di Onde Furlane);
iniziativis tant che Eurolenghis, te Fiere dal Libri di Pordenon, o lis variis edizions de Fieste dal Friûl pai 3 di Avrîl (Redazion La Patrie dal Friûl, Une Academie… tal Ateneu)
-
s.f.
opare o prodot cun variazions specifichis rispiet a un model di riferiment
Sin. version
-
s.f.
(fig.)
realizazion di une iniziative cun ciertis carateristichis, che a puedin jessi origjinâls o ripeti o jessi ripetudis in iniziativis plui o mancul de stesse sorte:
nol covente jessi furnîts di spirt profetic par pronosticâ che cheste gnove edizion de Sante Aleance […] e je destinade a fâ crofe (Josef Marchet, Federazion europee tra nazions o tra regjons?)