editôr e|di|tôr [AF]
- s.m., adi. imprenditôr, societât o ent che al publiche libris, gjornâi, rivistis, audios, videos e v.i.: mi someave un bon moment par proponi a cualchi editôr impuartant […] il gno saç "Casanova gourmet, viaggio con un avventuriero nella cucina del Settecento" (Pierluigi Visintin, Friûl e furlans te Histoire de ma vie di Giacomo Casanova); Marchi, cuant che al fonde la "Patrie dal Friûl" (e la riviste e je une sô creature tant plui di Marchet), nol è un discognossût editôr saltât fûr dal nuie, ma al à une impuartante storie di militant politic (Donato Toffoli, Lidrîs pal pinsîr autonomist); insiemi cul editôr Kappa Vu o vin decidût di publicâ une seconde edizion dal libri (Franc Fari, Il cjâf dai furlans)
- s.m. studiôs che al analize, al interprete e al cure un test scrit di altris, pal solit antîc o manuscrit o documentât in plui versions, par che al sedi stampât: jessint che no vin podût viodi il manuscrit, no podìn lassâ fûr la ipotesi che il supuart de scriture al vebi stât vuastât. Ducj i editôrs a àn zontât mu[art] (Zorç Cadorin, Cualchi ipotesi sul furlan di prin di scrivilu)
- s.m. [TS] inform. program informatic che al permet di creâ o modificâ documents, pagjinis, imagjins e v.i.: i tescj otignûts daurman inte forme eletroniche o chei tirâts dongje cul passadôr o copiâts a man a son scrits par mieç di diviers editôrs testuâi (text editors), e i lôr formâts a puedin jessi une vore lontans un cul altri (Vladimír Petkevič, trad. di Zorç Cadorin, Corpus linguistics)