Dizionari de Lenghe Furlane

economie  /-ì-/  e|co|no|mi|e  [FO]

1. s.f. mût di doprâ i bêçs che al procure il vuadagn plui alt e la spese plui basse:  cirî di puartâ indenant un progjet cun economie
   Sin. sparagn , culumie
   
   1. (fig.) il tindi a vê il massim risultât cul minim sfuarç:  par un principi di economie si pense che ce che nol è plui funzionâl si vedi di bandonâlu o, al plui, di conservâlu intune memorie museâl, (Adrian Cescje, Memoriis di politiche linguistiche)
      Sin. sparagn , culumie
2. s.f. situazion di ricjece, di vuadagn, di disponibilitât di risorsis:  la economie di Informazion furlane e sta sù ancje su la produzion di materiâl che si pues meti in cumierç (Linda Picco, Sandri Carrozzo, Efiets economics e ocupazionâi des leçs di tutele de lenghe furlane)
3. s.f. ecuilibri e articolazion di alc di complès:  inte economie e inte cifre stilistiche de conte, al sarès stât miôr che e fos la storie stesse a palesâ il judizi dal autôr sui fats (Laurin Zuan Nardin, La ultime fadie di Mizzau)
   Sin. implant , struture
4. s.f. [TS] econ. sience che studie i procès di produzion e di distribuzion de ricjece dentri di un sisteme sociâl e politic
   Sin. economie gjenerâl , economie politiche
   
   1. ogni teorie svilupade dentri di chê dissipline:  la economie keynesiane e trionfà tai agns daspò de vuere
   2. dome tal sing., la facoltât universitarie dulà che si studie la dissipline
   3. dissipline che e studie il compuartament di cui che al cîr di meti al massim di util la sô ativitât
5. s.f. part de realtât sociâl e politiche che al prodûs e al distribuìs ricjece:  o riten che l'obietîf di fonde dal intervent public in economie e tal marcjât dal lavôr al sedi stât, e al è, il svilup dal redit (Fulvio Mattioni, Il futûr dal Friûl: laude ae "no sotan" economy); no si po fevelâ di culture cence fevelâ di teritori, di economie, di ecologjie ecetare (Antoni Beline, Di ca e di là de aghe)
6. s.f. complès des risorsis e des ativitâts economichis di une comunitât, nazion e v.i.:  par valutâ un paisaç e la sô evoluzion tocje tignî cont des siencis umanis, de gjeografie, de economie e dal studi dal teritori (Rino Gubiani, Studi da la evoluzion dal paisaç mediant i toponims)
7. s.f. sisteme di organizazion di chês risorsis:  lis economiis che a stan sù su lis esportazions, in plui di svilupâ une dipendence pericolose, a son une culture speciâl pe puaretât (Buteghe dal Mont, Luche Nazzi, Guide par un consum just e solidâl); la societât contadine e passe di une economie di sussistence a di une economie di scambi […] par mieç di une costrizion statâl (Fabian Ros, La invenzion dal stât)

Polirematichis e espressions idiomatichis

• lâ in economie loc.v.

Proverbis:

• la trope economie e fore la sachete