sparagn
/-àgn/
spa|ragn
[AF]
-
s.m.
misure tal spindi e tal invistî bêçs che e permet di tignî in bande une cierte cuantitât di bêçs:
une manie di misure e di sparagn chê di Zuan, ma in glesie, il luminut tal veri colôr sope di vin al veve simpri bondance di vueli par vivi dute la gnot (Maria Forte, La rive di Sant Pieri)
Sin. economie
, culumie
-
(fig.)
misure tal doprâ une cualsisei risorse o fuarce, ancje no economiche:
si butà te azion cence sparagn di timp ni di energjiis (Marino Tremonti, Il plebissît dai 125 mil)
-
s.m.
spec. tal pl., cuantitât di bêçs che si rive a meti in bande:
e jere rivade adore di viodi ce che al veve Tilio te valisute di corean; cumò sì che e saveve parcè che le platave vuê tun puest e doman intun altri. Al veve dentri i siei sparagns di passe vincj agns (Pieri Menis, Il fi de Rosse);
ogni cuindis dîs al lave a Tresesin a meti jù il so macut di cjartis di mil; i siei sparagns a cressevin sot i voi (Carlo Sgorlon, Prime di sere)
Proverbis:
- a lâ in malore no i vûl sparagn
- il sparagn al è il prin racolt
- il sparagn al è il prin vuadagn
- il vuadagn al sta tal sparagn
- par lâ in malore no i vûl sparagn