duncje
dun|cje
[FO]
-
av., coniun.
par dâ un sens di consecuence logjiche:
[dal 951 al 1252] disesiet o disevot patriarcjis […] a forin ducj todescs […] La cort aquileiese e jere duncje formade, in buine misure, di elements todescs (Josef Marchet, Cuintristorie dal Friûl fin sot la Italie);
[Malignani] al furnive corint eletriche ai filaments doprant batariis e une dinamo, duncje in corint continue (Lorenzo Marcolini, La invenzion dal vueit inte lampadine di Turo Malignani. Storie, gnovis ipotesis e atualitât)
Sin. inalore
, in sumis
, par la cuâl
, partant
, cussì
, si che duncje
, alore
, si che
, cu la cuâl
Var. doncje
, adoncje
, aduncje
-
av.
in conclusion, ae fin di alc, ancje in sens gjeneric e enfatic:
ecoti doncja ai miei pîts, puar diau di Farc! e jo, sostignût sul me badîl, ti vadi contemplant (Zuan Luîs Filli, Il farc)
Sin. infin
-
av.
par sierâ, tacâ o tornâ a tacâ un discors:
spiçait ben lis orelis e stait atents a dut ce che o dîs, parcè che a mi no mi plâs di spiegâ lis robis dôs voltis. Duncje, tun paisut vincj chilometris di chi, e di un precîs a Çoris, e je une casermute di republichins […] (Roberto Ongaro, Il muc);
"E trops a 'nd aial [di fîs]?" "Doi, siore: un mascli e une femine. […]" "Un par sorte, duncje? Ce fortunât..!" (Gianni Gregoricchio, Trê feminis)
Sin. alore
, ben
, si che duncje
, po ben