doman
/-àn/
do|man
[FO]
-
av., s.m.
zornade che e ven daspò di vuê:
o ai premure, us saludi Bastian, mandi Julie, E si viodarìn doman (Pieri Somede dai Marcs, Un pugn di moscjis);
ciribiribin, doman je fieste / ciribiribin, no si lavore / ciribiribin, si passe la ore / ciribiribin, a fâ l'amôr (Popolâr, Ciribiribin);
jo dopo misdì o voi a dâ une ocjade ai cuadris da la Academie… Doman di matine lu compagnarai a la esposizion (Arturo Feruglio, Viaç a Vignesie)
Var. deman
Cfr. îr l'altri
, îr
, vuê
, passantdoman
-
la dì dopo di une altre di riferiment, ancje tal passât o tal futûr:
une spassizade di chês che si fâs tal doman di Pasche (Alan Brusini, I ribei)
-
av., s.m.
tal avignî, tal futûr:
in ce mût che e sarà la Europe di doman no si po induvinâ (Josef Marchet, Su altris fondis);
[un scritôr ]al à di partecipâ in maniere ative a formâ il vuê e il doman de societât là che al vîf (Carli Pup, Teritoris - Oms di Libertât)
-
inter.
(iron.)
tant che rispueste o esclamazion, par dî la impussibilitât di alc:
e e la par alçâsi sù. Doman! E jere incolade cussì pulît sul scagnut, che nancje il diaul sarès stât capaç di distacâle (Luigi Gortani, Meni Fari)
Polirematichis e espressions idiomatichis
Proverbis:
- al è miôr l'ûf vuê che no la gjaline doman
- ancje il Signôr al è furlan: se nol paie vuê, al paie doman
- bevi daurman cence spietà doman
- bisugne mangjâ tant vuê che ind' resti ancje par doman
- ce che si po fâ vuê, no metii non doman
- ce che tu âs di fevelâ usgnot, fevele doman
- cu la pazience si è maridât un frari e tal doman al è deventât un lari
- cui che al po fâ vuê che nol spieti doman
- fâs vuê ce che tu varessis di fâ doman
- Fevrâr: vuê ben e doman mâl
- fumate la sere, bontimp si spere; fumate la doman, la sere al è pantan
- il sì che o dîs vuê al à di valê ancje doman
- il Signôr al à dut in man: se nol paie vuê al paie doman
- ingrume vuê, ingrume doman, si cjate alc insom dal an
- l'arc di Sant Marc la sere, bon timp si spere, l'arc di Sant Marc la doman, no ven mai sere che nol sedi pantan
- l'om ce che al vûl vuê, doman nol vûl
- la cite dal artesan se no bol vuê e bol doman
- miôr l'ûf vuê che no l'ûf e la gjaline doman
- miôr un poleç vuê che no une gjaline doman
- miôr un ûf vuê che no une gjaline doman
- miôr vuê il râf e doman la code
- no si à mai di lamentâsi di vuê parcè che doman al po jessi piês
- no si po dî vuê ce che al sarà doman
- pense vuê par doman
- prin di Mai Sant Jacum e Filip o cjatai, tierce dì Sante Crôs e fuì, un pôc plui tart Sant Gotart, e tal doman Sant Florean
- se o ves un fi che al ves non doman, o volarès maçâlu daurman
- vuê a mi, doman a ti
- vuê in figure, doman in sepulture
- vuê la vee, doman la zornade
- vuê mangjìn, mangjon; doman crepìn, crepon
- vuê o sin, doman no sin
- vuê si rît, doman si vai