distruzion
/-òn/
dis|tru|zi|on
[AF]
-
s.f.
il disfâ e il jessi disfat, spec. cun violence, e il lôr risultât:
cui voleve la distruzion di dut il puint, cui invezit al voleve conservâlu, pensant a la sô utilitât cuant che si fos tornâts a la vite normâl (Giovanni Pillinini, Zuan Batiste Cavedalis - Une vite esemplâr);
lis distruzions causadis des vueris a faserin cressi simpri plui la miserie (Josef Marchet, Cuintristorie dal Friûl fin sot la Italie);
la idee di une universalitât che e pratiche la distruzion de diversitât nus prepararès un mont di maseriis (Franc Fari, Il cjâf dai furlans)
Sin. disastri
, ruvine
, sassinament
, sdrumament
, stermini
, vuast2