disleâsi
di|sle|â|si
[CO]
-
v.pron.intr., v.pron.tr.
diliberâsi di leandis o liberâ di leandis alc di se stes, alc che si à intor e v.i.:
al si dislee la cuarde che al ti à simpri tor da vite, al fâs un laç e gji lu tache tor dal cuel (Dolfo Zorzut, Viôt di no fâ dal mâl al furistîr);
«E je vere», al conferme lui, disleantsi lis scarpis (Maurizio Mattiuzza, Al prossim casting ti sielzin te)
Sin. dispeâsi
, sleâsi
Var. disleiâsi
-
v.pron.intr.
di un grop o di alc di leât, disfâsi, no strenzi plui, no tignî plui:
il disleâsi di un grop che al strenç e nol lasse tirâ flât (Maria Forte, La tiere di Lansing)
Sin. dispeâsi
, sleâsi
, disfâsi
, disgropâsi
-
v.pron.intr., v.pron.tr.
(fig.)
scjaldâsi i muscui, lis comissuris, il cuarp cu la azion che si fâs o cul fâ riscjaldament
Sin. disgropâsi
, smolâsi
, sfrancjâsi
Cfr. disgritulîsi
, aniâsi
, disbramîsi
, disdulîsi
, disduliâsi
, disgrisignîsi
-
movi tant une part dal cuarp o movisi tant, in maniere elastiche:
i balarins di cariche / e misurin el breâr / batint a varcs di dalmine / el tac a timp spacât / cun gjirumits e marculis / e si dislein lis cjarculis (Zuan Riçot, El legri cuartet)
-
v.pron.intr.
(fig.)
di alc che al è componût di plui elements, srarîsi, disfâsi:
la prupission che si dislee intor de glesie (Maria Forte, Sagris di cuelinis e di pomis a Buie)
Sin. disfâsi
-
v.pron.intr.
(fig.)
ancje di alc di imateriâl, tacâ a movisi, a pandisi, a vignî fûr cun libertât:
i siei pinsîrs si dislearin simpri plui a slas e al tacà a çavariâ (Dino Virgili, La aghe da pît la cleve)
-
v.pron.intr.
(fig.)
liberâsi di un vincul, di un impegn, di un impediment e v.i.:
lait simpri planc tal maridâsi; / dopo, nissun po disleâsi! (Francescje Nimis Loi, Il 1924);
[la Europe] rivaraie adore di disleâsi di ogni dipendence dai parons che vuê le dividin e le slambrin, e di sistemâsi intune unitât libare e salde? (Josef Marchet, Su altris fondis)
Sin. dispeâsi
, sleâsi
, disobleâsi
, liberâsi
, diliberâsi
