discolç
/-ó-/
dis|colç
[AF]
-
adi.
cence scarpis e cence cjalcis o cjalçuts:
o sin partîts, none denant tirade sù in code, cui mulots in man, e jo daûr, discolç, cui bregons ravaiâts fin al zenoli par no bagnâju te rosade (Pieri Menis, Il cuader de none);
e i fruts? Maltapâts e discolçs a bussâi la man al predi che al passave pal borc (Alan Brusini, Chei de vuere dal '15);
sot dai pîts si jevave il pulvin, il pulvin al sblancjave i pîts discolçs (Dino Virgili, La aghe da pît la cleve)
-
adi.
di robe di mangjâ, cence cuince o cence companadi:
"Brao, il mus al spere simpri te vene che no rive mai. Cussì tu; e intant tu mangjis patatis discolcis, come usgnot" (Maria Forte, "Nossent");
"A vâl plui une fete di polente discolce a cjase sô che dutis lis bistechis di vigjel in Canadà" (Anonim, Friuli nel Mondo, VIII, 66, 1959)
Sin. rût1
, sôl
, bessôl
, sut
Polirematichis e espressions idiomatichis
Proverbis:
- al è miôr lâ a durmî cui çucui che no lâ discolçs a palâ nêf
- cui che al semene clauts che nol ledi discolç
- cui che al semene spins che nol ledi discolç